نصائح مفيدة إذا جيت بتطلب أكل
طلب الأكل المفروض يسهّل عليك يومك. سواء كنت تطلب غداء في الدوام، أو عشاء مع العائلة، أو تحتاج أكلة سريعة بعد يوم طويل، عندك خيارات كثيرة من المطاعم والأطباق.
لكن كثرة الخيارات ممكن تخليك تحتار. أي مطعم تختار؟ كم يحتاج الطلب لين يوصل؟ هل فيه عرض متاح؟ أو إذا كنت بتطلب لعدة أشخاص؟
عشان كذا، فيه كم شيء بسيط ممكن تسويه قبل ما تطلب، مثل اختيار الأكلة اللي تبيها، والتأكد من وقت التوصيل، والبحث عن العروض، ومتابعة طلبك لين يوصل.
ابدأ باللي تشتهيه
أحيانًا تفتح تطبيق توصيل الأكل وأنت ما تدري بالضبط وش تبي تطلب، وأحيانًا كل اللي تعرفه إنك جوعان.
إذا ما كنت متأكد وش تبي، حاول تحدد نوع الأكل أول قبل ما تبدأ تدور على مطعم. ودك ببرجر، أو بيتزا، أو شاورما، أو أكل سعودي، أو دجاج مقلي، أو وجبة صحية، أو يمكن حلا؟
التصنيفات والفلاتر ممكن تساعدك في تقليل الخيارات بدون ما تضطر تمر على كل المطاعم الموجودة. وإذا كنت تعرف بالضبط وش تبي، استخدم شريط البحث. تقدر تبحث عن مطعم، أو نوع أكل، أو طبق معين وقارن بين الخيارات.
وإذا كنت تطلب بشكل مستمر، ممكن تكون طلباتك السابقة خيار لما ما يكون لك خلق تفكر كل مرة وش تطلب.
نصيحة سريعة: فكّر أول وش تبي تاكل، وبعدها شوف المطاعم اللي تقدم هالنوع من الأكل.
بدل ما تبدأ من بين كل المطاعم، بتكون عارف وش تدور عليه من البداية.
تأكد من وقت التوصيل وتوفر المطعم
لقيت الأكلة اللي تبيها، والحين فيه سؤال مهم: متى بتوصل؟
قبل ما تكمل الطلب، تأكد من وقت التوصيل المتوقع وموقع المطعم، خصوصًا إذا كنت تحتاج الأكل يوصل في وقت محدد. ممكن يكون المطعم مناسب لك، لكن وقت التوصيل ما يناسبك إذا عندك اجتماع قريب، أو ضيوف ينتظرونك، أو وقت غداء قصير.
وتأكد من المطعم أيضًا. ساعات العمل ممكن تختلف، وبعض المطاعم أو الأطباق ممكن ما تكون متاحة وقت الطلب.
التأكد من التفاصيل قبل إتمام الطلب يساعدك تختار مطعم يناسب وقتك.
وهذا يصير مهم خلال أوقات الزحمة، لأن وقت التوصيل ممكن يختلف عن المعتاد.
نصيحة سريعة: إذا كان وقت التوصيل يفرق معك، قارن بين الخيارات وشوف أي مطعم يقدم الأكلة اللي تبيها ووقت توصيله يناسبك.
التخطيط قبل إتمام الطلب ممكن يخلي التجربة أسهل وأكثر سلاسة
دور على العروض والخصومات والتوصيل المجاني
إذا لقيت وجبتك المفضلة شيء حلو بس ممكن تلقاها بسعر حلو إذا كان عليها عرض.
قبل إتمام الطلب، خذ وقتك وشيك على العروض المتاحة. حسب المطعم والعروض الحالية، ممكن تلقى خصومات، أو كاش باك، أو أكواد خصم، أو توصيل مجّاني.
إذا كنت تطلب بشكل منتظم، تعوّد على التحقق من العروض قبل كل طلب. مع الوقت، ممكن تفرق معك وتساعدك في التوفير.
ومن الطرق البسيطة للتوفير عند الطلب هو إنك تقارن المجموع كامل للطلب، مو سعر الوجبة فقط. مثلًا، مطعم يقدم خصم أو توصيل مجّاني ممكن يكون أوفر من مطعم ثاني يقدم وجبة مشابهة.
ولا تنسى تتأكد من تفاصيل العرض. بعض العروض ممكن تحتاج حد أدنى لقيمة الطلب، أو تكون متاحة على مطاعم أو وجبات محددة، أو تستمر لفترة محدودة.
نصيحة سريعة: شيّك على العروض الموجودة قبل ما تدفع، لان عادي ممكن تلقى عرض على الوجبة اللي كنت ناوي تطلبها من الأساس.
وإذا كنت تبي توفر في طلبك، شيّك على الصفحة الرئيسية في تويو والرسائل اللي توصلك داخل التطبيق.
سهّل طلباتك الجماعية والعائلية
إذا كان الطلب لشخص واحد، غالبًا يكون بسيط. لكن إذا كان الطلب للعائلة، أو لمجموعة من الأصدقاء، أو حتى للدوام، فالموضوع يحتاج تخطيط أكثر.
أول خطوة هي انك تختار مطعم يوفر خيارات تناسب الكل. المطاعم اللي تقدم منيو متنوع تسهّل طلبات المجموعات، لأن كل شخص يقدر يختار الوجبة، أو الإضافات، أو المشروب اللي يناسبه، بدون الحاجة لأكثر من طلب.
مشاركة الوجبات خيار مناسب أيضًا. البيتزا، والمشاوي المشكلة، وأطباق الأرز العائلية، ووجبات المشاركة تكون خيارات جيدة لما يكون الأكل لأكثر من شخص.
وقبل إتمام الطلب، خذ دقيقة وراجع السلة. تأكد من الكميات، والمشروبات، والإضافات، والصوصات، وأي اختيارات خاصة. لأنك ممكن تكتشف إن البطاطس ناقصة قبل ما تطلب، بدل ما تكتشفها بعد ما يوصل الطلب.
نصيحة سريعة: إذا كان الطلب كبير، راجع السلة قبل دفع الطلب وتأكد إن كل شخص أخذ اللي يبيه. وإذا احتجت، تقدر تشارك السلة في المحادثة داخل التطبيق عشان يرسل لك كل شخص الأصناف اللي يبيها.
وإذا كان الأكل للمشاركة، ممكن تطلب كمية أكبر شوي عشان تكفي الكل.
تتبّع طلبك
بعد ما تطلب، تبدأ أصعب مرحلة: تنتظر وأنت جوعان.
تتبع الطلب يساعدك في معرفة وين وصل الطلب وفي أي مرحلة، وتقدر تشوف تحديثاته من وقت ما يبدأ المطعم بتحضيره إلى أن يكون في الطريق لك.
ويكون تتبع الطلب مفيد بشكل خاص إذا كنت تحتاج ترتب وقتك على حسب وصوله. ممكن تكون تخلص اجتماع، أو تجهز السفرة، أو متى تزل تستلم الطلب.
ويساعدك التتبع بعد إذا كنت تطلب لمجموعة. بدال ما يسألك الكل كل شوي: «وين الأكل؟»، تقدر تشيك على آخر تحديث لحالة الطلب.
نصيحة سريعة: تابع حالة طلبك عشان تكون مستعد إذا قرب وقت وصول الأكل.
خطوة بسيطة، بس تخليك تعرف وش يصير مع طلبك بدل ما تنتظر وأنت ما تدري متى بيوصل.
خطط لطلبك في أوقات الزحمة
أحيانا يكون كثير من الناس يطلبون أكل في نفس الوقت.
أوقات الغداء والعشاء، وعطلات نهاية الأسبوع، والمباريات الكبيرة، والإجازات، وغيرها من أوقات الزحمة وممكن يكون فيها عدد الطلبات أعلى من المعتاد. إذا كنت تعرف متى بتاكل، حاول تطلب قبلها بوقت عشان ما تضطر تستعجل في اختيار المطعم أو تنتظر وقت أطول.
وهذا يمكن يفيدك إذا كنت تطلب لأشخاص كثير. بدال ما تنتظر أحد منهم يجوع أو ممكن يصير اختيار المطعم والطلب بسرعة أصعب.
وإذا كان وقت التوصيل المتوقع للمطعم اللي اخترته أطول، قارن مع خيارات أخرى قريبة. ممكن تلقى وجبة مشابهة وتناسب وقتك أكثر.
نصيحة سريعة: إذا كنت بتطلب في أوقات الزحمة، دور على الأكل اللي تبيه قبلها بوقت، وتأكد من وقت التوصيل المتوقع قبل ما تطلب.
وانك تخطط للطلب مو لازم تحدد وش بتاكل قبلها بثلاثة أيام. أحيانًا عشر أو عشرين دقيقة زيادة تكون كافية.
خلّ طلبات آخر الليل سهله
جوع آخر الليل بالعادة يجي في وقت ما تتوقعه.
إذا كنت بتطلب في وقت متأخر، تأكد أول من المطاعم المتاحة، لأن ساعات عمل بعض المطاعم ممكن تختلف. بدل ما تقضي وقتك في اختيار مطعم، وبعدها تكتشف إنه مقفل، شوف الخيارات المتاحة من البداية.
وفي هالوقت، ما يحتاج تعقّد الاختيارات. إذا كنت جوعان والوقت متأخر، ممكن تختار من الأكلات اللي تعرفها مثل البرجر، والشاورما، والسندويتشات، والبيتزا، أو أي وجبة سريعة.
وتأكد من وقت التوصيل المتوقع أيضًا. إذا كان عندك أكثر من مطعم يقدمون نفس الأكل، ممكن يساعدك وقت التوصيل في اختيار المطعم الأنسب لك.
نصيحة سريعة: في آخر الليل، شوف المطاعم المتاحة أول، وبعدها اختر من بينها الشيء اللي تبي تاكله.
وممكن تلقى مطعم جديد يعجبك ويصير واحد من خياراتك لطلبات آخر الليل.
استفيد من هذه النصائح في طلباتك الجاية
اختيار الأكلة اللي تبيها، والتأكد من وقت التوصيل، والبحث عن العروض، وطلب الأكل بدري، كلها أشياء بسيطة ممكن تسهّل عليك الطلب.
تقدر تشوف المطاعم والأكلات القريبة منك، وتستخدم التصنيفات والبحث عشان توصل للشيء اللي تبيه، وتشوف العروض المتاحة، وتتابع طلبك من وقت ما تطلب إلى أن يوصل لك.
في حال كنت تطلب غداء في الدوام، أو عشاء للعائلة، أو شيء حلو، أو وجبة في آخر الليل، تقدر تستخدم تويو عشان تختار وتطلب اللي يناسبك.
جوعان؟ افتح تويو واطلب كل اللي تشتهيه.
اطلب الآن من تويو
أول مرة تطلب؟ اطّلع على دليلنا خطوة بخطوة واعرف كيف تطلب من تويو بكل سهولة.
كيفية الطلب من تويو
